Almatyda trolleıbýs pen avtobýs soqtyǵysty: zardap shekkenderdiń jaǵdaıy belgili boldy

ALMATY. KAZINFORM —  Densaýlyq saqtaý basqarmasy túrli dene jaraqatyn alǵan jolaýshylardyń jaǵdaıy týraly aıtty.

Jedel medıtsınalyq járdem qyzmeti qalalyq statsıonarlarǵa jol apaty saldarynan zardap shekken 10 adamdy jetkizdi.

— Jeti eresek adam Ortalyq qalalyq klınıkalyq aýrýhanaǵa, úsh bala Balalar shuǵyl medıtsınalyq járdem ortalyǵyna jiberildi. Barlyq zardap shekken adamǵa qajetti tekserýler júrgizildi. Medıtsınalyq kómek kórsetilgennen keıin olar turǵylyqty jeri boıynsha emhanada baqylaý usynystarymen úılerine jiberildi, — dep habarlady Almaty qalalyq densaýlyq saqtaý basqarmasynan.

Aıta keteıik, búgin Abaı dańǵyly men Rozybaqıev kóshesiniń qıylysyndaǵy aıaldamada turǵan trolleıbýske avtobýs kelip soǵylǵan bolatyn. Polıtsııadan málim etkendeı, atalǵan derek boıynsha Bostandyq aýdandyq polıtsııa basqarmasy tergeý bastady.

Osyǵan deıin, Almatyda júk kóligi súıretip kele jatqan avtobýs jaıaý júrginshini qaǵyp ketken bolatyn.