Almatyda trolleıbýs pen avtobýs soqtyǵysty, zardap shekkender bar

ALMATY. KAZINFORM – Almatyda aıaldamada turǵan trolleıbýsqa avtobýs kelip soǵyldy.

Almaty Polıtsııa departamentiniń málimetinshe, jol apaty Bostandyq aýdanynda boldy.

— Jol-kólik oqıǵasy saǵat 11:45–te Abaı dańǵyly men Rozybaqıev kóshesiniń qıylysynda boldy. Avtobýs aıaldamada turǵan trolleıbýske kelip soǵyldy. Saldarynan 13 adam túrli dene jaraqatyn aldy. Jol apaty boıynsha Bostandyq aýdandyq polıtsııa basqarmasynda tergeý bastaldy, — Polıtsııanyń resmı ókili Saltanat Ázirbek.

Osyǵan deıin, Almatyda júk kóligi súıretip kele jatqan avtobýs jaıaý júrginshini qaǵyp ketken bolatyn. 

Budan bólek, Aqsaı qalasynda mektep avtobýsy órtenip, júrgizýshi jaraqat alǵany týraly jazǵan edik.