Almatyda trolleıbýs aıaldamaǵa soqtyǵysyp, eki adam zardap shekti
ALMATY. KAZINFORM — Almatyda jol-kólik oqıǵasy boldy.
Áleýmettik jelide troleıbýs soqqysynan áınekteri synyp, birshama zaqym kelgen aıaldamanyń beınejazbasy tarady.
Almaty qalasy polıtsııa departamentiniń málimetinshe, 8 tamyz kúni shamamen saǵat 22:00–de Bostandyq aýdanynda № 11 baǵyttaǵy trolleıbýs jol apatyna ushyrady. Tımırıazev kóshesimen kele jatqan júrgizýshi kólikti basqara almaı, aıaldamaǵa soqtyǵysqan.
— Oqıǵa saldarynan jaıaý júrginshi men trolleıbýs jolaýshysy zardap shekti. Ekeýi de medıtsınalyq mekemege jetkizildi. Aýyr jaraqattar tirkelgen joq. Jol-kólik oqıǵasy deregi boıynsha Bostandyq aýdany polıtsııa basqarmasynyń qyzmetkerleri tergeýge kiristi, — dep habarlady polıtsııadan.
Eske salaıyq, buǵan deıin Almatyda kólikpen soqtyǵysqan avtobýs ǵımaratqa kirip ketti.