Almatyda troleıbýs aıaldamaǵa soǵylyp, bir adam zardap shekti
ALMATY. KAZINFORM – Almatyda qoǵamdyq kólik taǵy da jol-kólik oqıǵasyna ushyrady. №7 troleıbýs Seıfýllın kóshesiniń boıyndaǵy aıaldamaǵa soǵyldy.
- Jergilikti polıtsııa qyzmetiniń kezekshi bóliminde habarlaǵandaı, bul jol-kólik oqıǵasy Almaly aýdanynda boldy. Trolleıbýs júrgizýshisi Seıfýllın dańǵylymen ońtústik baǵytta júrip kele jatyp, Maqataev kóshesine jetpeı aıaldama keshenine soǵyldy. Apat saldarynan bir jaıaý júrginshi dene jaraqatyn aldy. Oqıǵanyń basqa mán-jaılaryn Almaly aýdandyq polıtsııa basqarmasynyń qyzmetkerleri anyqtaıdy, - dep habarlady qalalyq PD baspasóz qyzmeti.
Eske salaıyq, 2024 jyly 26 maýsym kúni № 18-shi baǵyttaǵy avtobýs apatqa ushyrap, bir adam mert boldy.
Sondaı-aq 16 shilde kúni júk kóligi aıaldama kesheninde toqtaǵan № 137 avtobýsty soǵyp, saldarynan 9 jolaýshy zardap shekti.
Aıta keteıik, buǵan deıin Almatyda avtobýs apaty nege jıilegenin jazǵanbyz.
