Almatyda tirkelgen mopedter sany 100-den asty

ALMATY. KAZINFORM – 2025 jyldyń 5 sáýirinen bastap mopedterdi mehanıkalyq kólikterge teńestiretin zańnamalyq túzetýler kúshine enedi.

5 sáýirden bastap mopedterdi polıtsııada tirkeýden ótkennen keıin A1, A jáne V sanatyndaǵy júrgizýshi kýáligi bar, tehnıkalyq baıqaýdan jáne azamattyq-quqyqtyq jaýapkershilikti saqtandyrýdan ótkennen keıin ǵana paıdalanýǵa ruqsat etiledi.

- Almaty qalasyndaǵy Mamandandyrylǵan qyzmet kórsetý ortalyqtarynda mopedterdi tirkeý jumystary júrip jatyr. Qazirgi jaǵdaı boıynsha barlyǵy 140 moped tirkeldi», - dedi Almaty qalasy Ákimshilik polıtsııa basqarmasy Protsessıng ortalyǵynyń basshysy Aıdyn Merkimbaev.

Sonymen qatar ákimshilik polıtsııanyń málimetinshe, eksterrıtorıaldyq qaǵıdat boıynsha qala syrtynda júretin 39 moped tirkelgen.

Eske salaıyq, buǵan deıin Almatyda alǵashqy moped tirkelip, nómir alǵanyn jazǵanbyz.