Almatyda travmatıkalyq qarý alyp júrgen 52 jastaǵy turǵyn ustaldy
ALMATY. KAZINFORM — Almatyda qarý alyp júrgen kúdikti ustaldy.
Qalalyq polıtsııa departamentiniń málimetinshe, Áýezov aýdanynyń 10-shaǵynaýdanynda saǵat 21:00 shamasynda «Býran-355» patrýldik ekıpajy kúdik týdyrǵan er adamdy baıqaǵan. Tekserý kezinde ol ózimen birge qarý bar ekenin aıtqan. Sodan keıin oqıǵa ornyna jedel-tergeý toby shaqyryldy.
— Aldyn ala málimet boıynsha tárkilengen zat 9 mm kalıbrli travmatıkalyq tapansha bolýy múmkin. Qazir qarýdyń shyǵý tegi men sıpattamalaryn anyqtaý úshin sot saraptamasy taǵaıyndaldy. Sondaı-aq onyń basqa qylmystarǵa qatysy bar-joǵy tekseriledi, — dep habarlady departamentten.
Atalǵan jaǵdaı boıynsha Áýezov aýdandyq polıtsııa basqarmasy qylmystyq is qozǵady. Ustalǵan azamattyń áreketine quqyqtyq baǵa beriledi.
Eske salaıyq, buǵan deıin Almatynyń Qulja tasjolynda 20 jastaǵy jigit júrgizýshini tapanshamen qorqytqanyn jazǵanbyz.
