Almatyda transformator órtendi

ALMATY. KAZINFORM - Almatylyq órt sóndirýshiler janyp jatqan transformatordy sóndirdi.

Almaty qalalyq Tótenshe jaǵdaılar departamenti málim etkendeı, órt búgin tańǵy saǵat 07:36 shamasynda shyqqan.

«Bostandyq aýdany, Jeltoqsan kóshesi, 185/1 mekenjaıynda ornalasqan transformatordyń qosalqy stantsııasy órtendi. Órt sóndirýshiler shuǵyl nysandy elektr qýatynan ajyratyp, órtti joıý sharasyn qabyldady. Aýa-mehanıkalyq kóbikti qoldanǵan mamandar qyzyl jalyndy tolyǵymen sóndirdi», - dep habarlady departamentten.

Órt 10 sharshy metr jerdi sharpyǵan. Zardap shekkender joq.

Osyǵan deıin Almatynyń ortalyǵynda ornalasqan «Chechıl» meıramhanasy órtengen edi.