Almatyda tozyǵy jetken taǵy bir jylý qubyry aýystyryldy
ALMATY. KAZINFORM — Almatyda 48 jyl buryn paıdalanýǵa berilgen qubyr jańartyldy.
Almaty ákimdiginen málim etkendeı, Qojanov kóshesiniń boıymen Radostovets kóshesinen bastap E.Serkebaev dańǵylyna deıin jáne Esqaraev kóshesiniń boıymen Rozybaqıev kóshesinen bastap E.Serkebaev dańǵylyna deıin tóselgen qubyrjoldy aýystyrý jumystary aıaqtaldy.Osy jyly jańǵyrtylǵan ýchaskeniń uzyndyǵy — 1 097,5 metr.
«Aýystyrylǵan qubyrjol 1976 jyly paıdalanýǵa engizildi jáne qazirgi ýaqytta 19 kóppáterli turǵyn úılerdi, 2 balabaqshany jáne basqa da 39 obektini jylýmen jáne ystyq sýmen qamtamasyz etip otyr. Sondaı-aq ystyq sý berýdiń úlestirilýin qamtamasyz etedi jáne «Orbıta» men «ıÝjnyı» qazandyqtaryn bir-birimen baılanystyrady», — delingen habarlamada.
Qalada bıyl 20 km jylý júıesi jańǵyrtyldy. Jóndeý jumystary jyl saıyn jylytý maýsymyna deıingi kezeńde júrgiziledi. Bul jumystar Almatynyń 6 aýdanynda ótti.
Jylý júıeleri qaıta jańartylǵan ýchaskelerdegi kóriktendirý jumystary aýa raıyna baılanysty kezeń kezeńimen júzege asyrylady.
Osyǵan deıin Almatyda shamamen 40 jyldan keıin qubyrlar aýystyrylyp jatqany týraly jazǵan edik.
