Almatyda tozǵan sý qubyry aýystyryldy

ALMATY. KAZINFORM — Almatynyń Samal shaǵyn aýdanynda turaqty ári sapaly aýyzsýmen qamtamasyz etetin sý qubyry jelisiniń tolyq jańǵyrtý jumystary aıaqtaldy.

Almaty ákimdiginen málim etkendeı, aýystyrlyǵan sý júıesi 25 myńnan astam turǵynǵa qyzmet kórsetedi. Bul jeli 13 mamyr kúni iske qosylady.

Bul kúni saǵat 08:00-den 20:00-ge deıin Medeý jáne Bostandyq aýdandarynda sýyq sýmen jabdyqtaý ýaqytsha shekteledi. 

Sý berý ýaqytsha toqtatylatyn aımaqtar:

• Medeý aýdany – Nazarbaev dańǵyly, Sátbaev kóshesi, Dostyq dańǵyly jáne Joldasbekov kóshesiniń shekarasynda ornalasqan aýmaqtar, sonyń ishinde Samal-1, Samal-2 jáne Samal-3 shaǵyn aýdandary;
• Bostandyq aýdany – Pomerantsev kóshesi, Gandı kóshesi, Nazarbaev jáne ál-Farabı dańǵyldarynyń arasyndaǵy aımaqtar.

Jańǵyrtylǵan sý qubyry «Almaty Sý» memlekettik kommýnaldyq kásipornynyń ınvestıtsııalyq baǵdarlamasy aıasynda júrgizildi.

— Atalǵan sý jelileri alǵash ret 1985 jyly arnaıy júrip ótý arnasy arqyly salynǵan – bul tehnologııamen jasalǵan qaladaǵy jalǵyz ýchaske. Jańǵyrtý jumystaryna deıin qubyrlardyń tozý deńgeıi 80%-dan asqan bolatyn. 2024 jyly uzyndyǵy 4,369 shaqyrym, dıametri 300 mm bolatyn ýchaske tolyǵymen aýystyryldy. Barlyq jumys qazýsyz, jol qozǵalysyn shektemeı júrgizildi, — dep atap ótti ákimdikten.

Jalpy, qalada ınjenerlik jelilerdi jańǵyrtý jáne rekonstrýktsııalaý boıynsha keshendi is-sharalar qabyldanyp jatyr.

Osylaısha, bul jumystar 2025 jyly sýmen jabdyqtaý jelileriniń tozýyn 52,9%-ǵa, sý burýdy 53,9%-ǵa, elektrmen jabdyqtaýdy 63,3%-ǵa deıin tómendetýge múmkindik beredi.

Osyǵan deıin Almatyda bıyl 70 shaqyrym sý qubyry men káriz jelileri aýystyrylatyny týraly jazǵan edik.