Almatyda Tótenshe jaǵdaılar departamentiniń bastyǵy taǵaıyndaldy

ALMATY. KAZINFORM – Almaty qalasy Tótenshe jaǵdaılar departamentiniń bastyǵy bolyp Damır Ermaǵambetov taǵaıyndaldy.

Damır Maqsutuly 1978 jyly 26 maýsymda Batys Qazaqstan oblysy Terekti aýdany Fedorovka aýylynda dúnıege kelgen.

1998 jyly QR ІІM Almaty joǵary tehnıkalyq ýchılışesin, 2001 jyly QR TJM Kókshetaý tehnıkalyq ınstıtýtyn bitirgen.

Erligi men adaldyǵy úshin Damır Maqsutuly II-shi jáne I-shi dárejeli «Aıbyn» ordenimen marapattalǵan. Almaty qalasyna kelgenge deıin ol Qostanaı oblysy TJD bastyǵynyń qyzmetin atqardy.

Eske salaıyq, birneshe kún buryn Nurlan Atyǵaev Almaty qalalyq Tótenshe jaǵdaılar departamentiniń basshysy qyzmetinen bosatyldy.