Almatyda tonaý qylmysyna qatysy bar birneshe kúdikti ustaldy

ALMATY. KAZINFORM — Almatyda telefon, qol saǵattary, aqsha urlady degen kúdikpen birneshe adam ustaldy. bul týraly Polisia.kz jazdy.

Almaty qalasy aýmaǵynda birneshe tonaý qylmysyn jasaǵan kúdiktiler krımınaldyq polıtsııa basqarmasynyń úılestirilgen jedel-izdestirý is-sharalarynyń nátıjesinde ustaldy. Qaskóıler negizinen túngi ýaqytta áreket etip, burysh ballondaryn jáne kúsh qoldanǵan. Olar telefondar, qol saǵattary men qolma-qol aqshany jymqyrǵan. Aldyn ala málimetterge sáıkes, olardyń keminde úsh qylmysqa qatysy bar, bul derekter qalanyń ártúrli aýdandarynda tirkelgen.

 — Jábirlenýshilerdiń aryzdaryna jedel áreket ettik. Aýdandyq bólimshelermen birlesken kásibı jumys nátıjesinde qylmystyq toptyń kúdikti múshelerin qysqa merzim ishinde anyqtap, ustadyq. Qazirgi ýaqytta olar ýaqytsha ustaý ızolıatoryna qamaldy, — dedi Almaty qalasy PD krımınaldyq polıtsııa basqarmasy bastyǵynyń orynbasary Vladımır Reshetnıkov.

Árbir derek boıynsha qylmystyq is qozǵaldy. Urlanǵan zattardyń bir bóligi tárkilenip, zattaı dáleldeme retinde iske tirkeldi. Qazirgi tańda polıtseıler kúdiktilerdiń osyǵan uqsas basqa da qylmystarǵa qatystylyǵyn anyqtap, tıisti tergeý jáne jedel is-sharalaryn jalǵastyryp otyr. Polıtsııa kez kelgen ýaqytta zań men tártipti saqtaýǵa saq shaqyrady.

Eske sala keteıik, buǵan deıin jasyryn tonnel arqyly shekaradan janarmaı ótkizgen halyqaralyq qylmystyq top ustalǵanyn jazǵan edik.