Almatyda Tóle bı kóshesiniń bir bóligi jabylady

ALMATY. KAZINFORM — Almatyda 1 naýryz kúni Tóle bı kóshesiniń boıynda ornalasqan «Astana» alańy jabylady.

Almaty qalasy Tótenshe jaǵdaılar departamentiniń málimetinshe, Dúnıejúzilik azamattyq qorǵanys kúni aıasynda 1 naýryzda saǵat 10:00–den 13:00–ge deıin «Astana» alańynda órt sóndirý, qutqarý jáne basqa da arnaıy qural-jabdyqtardyń kórmesin ótedi.

— Almatylyqtar qalanyń avarııalyq-qutqarý kúshteriniń múmkindikterimen tanysýǵa múmkindik alady, — dep habarlady TJD.

Alańda dalalyq gospıtal qurylyp, medıtsına qyzmetkerleri manekender arqyly ashyq dene jaraqattary boıynsha master-klass ótkizbek. Sondaı-aq qala turǵyndary men qonaqtary úı bólmesine uqsaıtyn jer silkinisteriniń sımýlıatory arqyly jasandy jer dúmpýlerin sezine alady.

— Demonstratsııalyq kórme azamattyq qorǵaý jáne qaýipsizdik mádenıetin qalyptastyrý maqsatynda uıymdastyrylady, sondaı-aq qala turǵyndaryn qutqarý qyzmetteri men quralymdardyń múmkindikterimen tanystyrý úshin ótkiziledi, — dep naqtylady departamentten.

Eske salaıyq, buǵan deıin Almaty kósheleriniń biri 4,5 aıǵa jabyldy.