Almatyda Tóle bı kóshesiniń bir bóligi úsh kúnge jabylady

ALMATY. KAZINFORM — Almatyda Tóle bı kóshesiniń bir bóliginde ortasha jóndeý jumystary júrgizilýine baılanysty kólik qozǵalysyna ýaqytsha shekteý engiziledi. 

Almaty ákimdigi taratqan málimetke sáıkes, 15 tamyzdan 18 tamyzǵa deıin qatarynan úsh tún boıy, saǵat 22:00–den 6:00–ge deıin, Qaıyrbekov kóshesinen bastap Shyǵys aınalmaly avtojolyna deıingi aýmaqta kólik qozǵalysy toqtatylady.

— Jóndeý júrip jatqan aýmaqta eskertý belgileri men merdiger uıym basshysynyń baılanys aqparaty kórsetilgen aqparattyq taqtalar ornatylady. Marshrýtyńyzdy aldyn ala josparlaýdy suraımyz, — delingen habarlamada.

Eske salaıyq, buǵan deıin Almatyda birneshe kóshe bir aptaǵa ýaqytsha jabylatynyn habarlaǵan edik.