Almatyda Tóle bı kóshesiniń bir bóliginde qozǵalys ýaqytsha shekteledi
ALMATY. KAZINFORM – Almatyda jeńil relsti kólik jobasyn júzege asyrý aıasynda Tóle bı kóshesinde kólik qozǵalysyna ýaqytsha shekteý engiziledi.
Almaty ákimdiginiń málimetinshe, 20 maýsym kúni saǵat 22:00-den bastap Saın kóshesinen Otar kóshesine deıingi aralyqta shyǵys baǵytyndaǵy avtokólik qozǵalysy ýaqytsha shekteledi.
– Osy kezeńde kólik qatynasyn qamtamasyz etý maqsatynda Tóle bı kóshesiniń soltústik jaǵynda keri baǵyttaǵy (reversıvti) qozǵalys uıymdastyrylady, - delingen habarlamada.
Injenerlik jelilerdi kóshirý jumystary 25 maýsymǵa deıin jalǵasady. Al 25-30 maýsym aralyǵynda dál osyndaı jumystar kósheniń qarama-qarsy betinde júrgiziledi. Osy kezeńde reversıvti qozǵalys Tóle bı kóshesiniń ońtústik jaǵynda uıymdastyrylady.
Ákimdik júrgizýshilerge jol baǵytyn aldyn ala josparlap, ýaqytsha jol belgileriniń talaptaryn saqtaýdy eskertti.
Eske salaıyq, buǵan deıin Almatyda jeńil relsti kólik (LRT) jobasyn iske asyrý aıasynda qurylys jumystarynyń bastalýyna baılanysty Momyshuly kóshesinde kólik qozǵalysyna ýaqytsha shekteý engiziletinin jazǵanbyz.
