Almatyda Tóle bı kóshesiniń bir bóligi ýaqytsha jabylady
ALMATY. KAZINFORM — Tóle bı kóshesin uzartý jobasy aıasynda júrgiziletin qurylys-montaj jumystaryna baılanysty kólik qozǵalysyna ýaqytsha shekteý engiziledi.
Qala ákimdiginiń habarlaýynsha, 14 shildeden 25 tamyzǵa deıin Tóle bı kóshesiniń Áshimov kóshesinen Alataý kóshesine deıingi aralyǵynda kólik qozǵalysy tolyqtaı jabylady.
— Bul aýmaqty Sábdenov kóshesi arqyly aınalyp ótýge bolady, — delingen habarlamada.
Atalǵan ýchaskede eskertý belgileri ornatylady. Ákimdik ókilderi júrgizýshilerge jol júrý baǵytyn aldyn ala josparlaýdy eskertti.
Aıta keteıik, jol qozǵalysyna qoıylatyn shekteýler týraly barlyq aqparat @AlmatyJoly Telegram arnasynda, ákimdiktiń áleýmettik jelilerdegi resmı paraqshalarynda, sondaı-aq 2GIS jáne «ıAndeks Kartalar» servısterinde jarııalanady.
Eske salaıyq, buǵan deıin aldaǵy jylytý maýsymyna daıyndyq aıasynda Almatynyń Medeý aýdanynda 1989 jyly paıdalanýǵa berilgen uzyndyǵy shamamen 350 metr jylý qubyry jańartylatynyn habarlaǵanbyz.
Osyǵan baılanysty 2026 jyly 13 shildeden bastap Samal-2 shaǵynaýdanyndaǵy Snegın kóshesiniń Meńdiqulov býlvary men Dostyq dańǵyly aralyǵynda avtokólik qozǵalysyna ýaqytsha shekteý engiziledi.
