Almatyda Tóle bı kóshesiniń bir bóligi tolyqtaı jabylady
ALMATY. KAZINFORM — Almatyda Tóle bı kóshesiniń bir bóligi ýaqytsha jabylady. Bul týraly qala ákimdiginiń baspasóz qyzmeti habarlady.
Injenerlik jelilerde josparly jumystardyń júrgizilýine baılanysty Tóle bı kóshesiniń Tilendıev jáne Brýsılovskıı kósheleriniń aralyǵynda avtokólik qozǵalys ýaqytsha shekteledi.
— Atalǵan ýchaskede qozǵalys 2026 jyly 18 shilde saǵat 20:00–den 19 shilde saǵat 13:00–ge deıin tolyqtaı jabylady, — delingen habarlamada.
Ákimdik ókilderi qala turǵyndary men qonaqtaryna jol baǵytyn aldyn ala josparlap, ýaqytsha engiziletin shekteýdi eskerýge jáne ýaqytsha jol belgileriniń talaptaryn saqtaýǵa keńes berdi.
Eske salaıyq, buǵan deıin Almatydaǵy káriz kollektorynyń qurylysyna baılanysty bir kóshede qozǵalys shekteletinin habarlaǵan edik.
