Almatyda Tóle bı kóshesin uzartý qashan aıaqtalady
ALMATY. KAZINFORM – Almatyda Tóle bı kóshesin uzartýǵa 13,6 mlrd teńge bólinedi. Bul týraly Almaty qalasy ekonomıka jáne qarjy basqarmasynyń basshysy Baýyrjan Qudaıbergenov máslıhat sessııasynda málimdedi.
2026 jyly Tóle bı kóshesin uzartý jumystaryn aıaqtaý josparlanyp otyr. Baýyrjan Qudaıbergenovtiń aıtýynsha, bul aýdanaralyq kólik qatynasyn jaqsartyp, irgeles kóshelerdegi júktemeni azaıtýǵa múmkindik beredi.
Sondaı-aq Saıyn jáne Ońǵarsynova kóshelerin uzartý jumystaryn aıaqtaýǵa da qarjy bólý kózdelgen.
Vedomstvo basshysynyń sózinshe, qosymsha 1,3 mlrd teńge Alataý aýdanyndaǵy Ǵajaıyp jáne Alǵabas shaǵynaýdandarynda salynyp jatqan jańa mektepterge aparatyn joldyń qurylysyna jumsalady.
Eske salaıyq, buǵan deıin Almatyda Saıyn kóshesin uzartý jumysy nege kesheýildep jatqany jaıly jazǵanbyz.
Sondaı-aq Almatyda 2026 jyly qandaı kósheler uzartylatynyn habarlaǵan edik.