Almatyda toq soqqan kishkentaı qyzdyń jaǵdaıy belgili boldy

ALMATY. KAZINFORM — Almatyda turǵyn úı aýlasynda balany toq soqty. 

Almaty qalasy Qoǵamdyq densaýlyq saqtaý basqarmasynyń málimetinshe, zardap shekken qyz Balalarǵa shuǵyl medıtsınalyq kómek kórsetý ortalyǵyna jetkizilgen. Qazir jaǵdaıy ortasha aýyrlyqta.

— Bala áýelde reanımatsııa jáne qarqyndy terapııa bólimine jatqyzyldy. Keıin beıindi kúıik bólimine aýystyryldy. Jaǵdaıy ortasha aýyrlyqta, turaqty. Qazaqstan Respýblıkasy Densaýlyq saqtaý mınıstrliginiń hattamasyna sáıkes tolyq kólemde em qabyldap jatyr, — delingen basqarma jaýabynda.

Eske salaıyq, bul derek boıynsha Áýezov aýdanyna qarasty polıtsııa bólimi tekserý júrgizilip jatyr.