Almatyda toǵyzqumalaq sheberleri ózara kil myqtyny anyqtaıdy

ASTANA. KAZINFORM – Búgin Almaty qalasynda toǵyzqumalaq boıynsha erler jáne áıelder arasyndaǵy klassıkadan jekeleı Qazaqstan Respýblıkasynyń chempıonaty bastaldy.

Respýblıkalyq doda Almaty tórinde, QR Ortalyq memlekettik murajaıynda uıymdastyrylyp jatyr. Jalpy saıysqa elimizdiń túkpir-túkpirinen 130-dan astam toǵyzqumalaqshy qatysýda. Olardyń arasynda Ásel Darıeva, Ǵalymjan Temirbaev, Janat Kaımýldın syndy álem chempıondary da bar.

Aıta keteıik, bul chempıonat aldaǵy H Dúnıejúzilik kóshpendiler oıyndary men álem chempıonatyna irikteý saıysy bolyp esepteledi.

«Toǵyzqumalaq - álemdik mádenıettiń kez kelgen úlgilerimen boı teńestire alatyn qazaqtyń ulttyq oıyny. Arıfmetıka men algebranyń elementteri kezdesetin bul oıyndy kezinde qazaqtyń uly aqyny Abaı da súıip oınaǵany týraly derekter bar.

Jarys 26 aqpanǵa deıin jalǵasady.