Almatyda tóbeles shyǵarǵan úndistandyq stýdentter elden shyǵarylýy múmkin
ALMATY. KAZINFORM – Almaly aýdanyndaǵy jekemenshik fýtbol alańdarynyń birinde Úndistannan kelgen stýdentter arasynda tóbeles boldy.
Buǵan deıin BAQ-ta bul janjal halyqaralyq týrnır kezinde boldy degen aqparat taraǵan. Alaıda qalalyq polıtsııa departamentiniń resmı ókili Saltanat Ázirbek óńirlik kommýnıkatsııalar qyzmetinde ótken brıfıngte oıynnyń qalalyq aýqymda bolǵanyn naqtylady.
— Árbir qatysýshynyń is-áreketine quqyqtyq baǵa berildi. Usaq buzaqylyq deregi boıynsha birneshe adam ákimshilik jaýapkershilikke tartyldy. Qazirgi ýaqytta janjalǵa qatysqan azamattardyń el aýmaǵynan shyǵarý máselesi qarastyrylyp jatyr, — dedi ol.
Eske salaıyq, byltyr Almatyda janjal shyǵarǵan 6 úndistandyq stýdent deportatsııalandy.
