Almatyda tıisti ruqsatsyz salynǵan qosalqy nysan súrildi
ALMATY. KAZINFORM – Bostandyq aýdanynda zańsyz salynǵan sharýashylyq nysan súrildi.
Qala qurylysyn baqylaý basqarmasynyń málimetinshe, zańsyz salynǵan qosalqy nysan “Nur Alataý” shaǵyn aýdanyndaǵy Ótegenov kóshesi, 15/1 mekenjaıynda ornalasqan. Vedomstvo buǵan deıin ruqsat qujattarynyń bolmaýyna baılanysty menshik ıesine ákimshilik shara qoldanyp, buzýshylyqtardy joıý týraly nusqama bergenin atap ótti.
- 2025 jyly 21 sáýirde Almatynyń Bostandyq aýdandyq sotyna qosalqy nysandy buzý týraly talap-aryz berilgen edi. Byltyr 25 tamyzda basqarmanyń talap-aryzy tolyq qanaǵattandyryldy, - dep habarlady basqarmadan.
Búgin Almaty qalasy ádilet departamentiniń sot oryndaýshylarynyń qatysýymen nysan buzyldy.
Eske salaıyq, buǵan deıin Almatyda sot sheshimimen turǵyn úıdiń bir qabaty buzyldy.
Byltyr Almatyda zańsyz salynǵan 42 nysan buzyldy.