Almatyda teriden jelatın shyǵaratyn zaýyt salynyp jatyr
ASTANA. KAZINFORM –Aýyl sharýashylyǵy mınıstri Aıdarbek Saparov Úkimet otyrysynda terimen jún eksportyna salynyp kelgen bajdy nege joıǵandaryn túsindirdi.
— Shetel valıýtasyndaǵy túsimdi arttyrý úshin teri men júnge salynatyn eksporttyq kedendik baj salyǵy alynyp tastaldy. Búginde teri men jún eksporttaıtyn 15 kásiporyn shıkizat satyp alý kólemin arttyrdy. Bul qabyldanǵan sharalardyń suranysqa ıe ekenin kórsetedi, — dedi mınıstr.
Aıdarbek Saparovtyń aıtýynsha, eldiń eki óńirinde teri men jún óńdeý jobalary iske asyrylyp jatyr.
— Atap aıtqanda, Aqtóbe oblysyndaǵy «KAZFELTEK» JShS júnnen jylý oqshaýlaǵysh materıal óndirý jobasyn júzege asyrýda. Al Almaty qalasynda «Iskefe Holding» JShS aýyl sharýashylyǵy janýarlarynyń terisinen jelatın óndirý jobasyn iske asyryp jatyr, — dedi vedomstvo basshysy.
Buǵan deıin Qazaqstanda aýyl sharýashylyǵyn tsıfrlandyrý qalaı júrip jatqanyna sholý jasaǵan edik.