Almatyda teńiz konteınerlerinen salynǵan erekshe saıabaq ashylady
ALMATY. KAZINFORM – 27 qyrkúıekte Almatyda elimizdegi alǵashqy boks-park – teńiz konteınerlerinen jasalǵan serýen aımaǵy jumysyn bastaıdy.
«Almaty» áleýmettik-kásipkerlik korporatsııasynyń málimetinshe, munda jasyl alleıalar, balalar alańdary jáne mádenı is-sharalarǵa arnalǵan ashyq aspan astyndaǵy amfıteatr bar. Sondaı-aq dúkender, kafe, sport stýdııalary, keńse men demalys oryndary jańa formatta toǵystyrylǵan.
Keshen Tóle bı kóshesi men Rozybakıev kóshesiniń qıylysynda ornalasqan, jalpy aýmaǵy – 2,7 myń sharshy metr.
– Almatylyq boks-parkte 17 saýda-keńse modýli qarastyrylǵan. Joba qalanyń iskerlik ınfraqurylymyn damytý baǵdarlamasynyń bir bóligi. Sarapshylardyń aıtýynsha, bul format ekologııalyq tıimdiligimen, qurylys qarqynynyń jedeldigimen jáne keńistikti uıymdastyrýdyń zamanaýı tásilimen erekshelenedi, - dep habarlady korporatsııadan.
Eske salaıyq, buǵan deıin Almatynyń Naýryzbaı aýdanynda jańa saıabaq salynatynyn jazǵanbyz.