Almatyda telefon alaıaqtyǵyna qatysy bar qylmystyq top ustaldy
ASTANA.KAZINFORM – 2026 jylǵy sáýirde UQK prokýratýra organdarynyń úılestirýimen Almaty qalasynda telefon alaıaqtyǵyna qatysy bar qylmystyq toptyń jolyn kesti.
Kúdiktiler baılanys operatorlarynyń baqylaýyn aınalyp ótip, shetelden qazaqstandyq abonentterge halyqaralyq qońyraýlar shalýdyń zańsyz tetigin uıymdastyrǵan.
Atap aıtsaq, bular bógde zańdy tulǵalardyń atyna vırtýaldy telefon stantsııalaryn tirkep, jergilikti mobıldi nómirlerdi paıdalanǵan jáne arnaıy zııandy baǵdarlamalyq qamtylymdy qoldanǵan.
Osy shema boıynsha 4 mıllıonnan astam qońyraý shalynyp, baılanys operatorlaryna keltirilgen shyǵyn kólemi 15 mıllıon teńge sommasynan asty.
Tintý barysynda tehnıkalyq quraldar men iske qatysty ózge de zattaı dáleldemeler alyndy.
Tergeý is-sharalary jalǵasyp jatyr.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Aıta ketelik Shymkentte polıtsııa ınternet-alaıaqtyqqa qatysy bar sheteldikti ustaǵan edi.
