Almaty prokýrorlary tehnogendik sıpattaǵy qaýiptiń aldyn aldy

ALMATY. KAZINFORM – Almaty kólik prokýratýrasy jer, sáýlet, qala qurylysy jáne qurylys qyzmeti týraly zańnamanyń saqtalýyna júrgizgen taldaý nátıjesinde, avtomobıl gaz toltyrý kompressorlyq stantsııalaryn salýǵa jer ýchaskesin berý kezinde zań buzýshylyqty. Bul týraly Bas kólik prokýratýrasy málim etti. 

 

«Ýákiletti organ qoldanystaǵy normalardy buza otyryp, astynan káriz qubyrlary ótetin tektonıkalyq buzylý aımaǵynda ornalasqan bólinbeıtin jer telimin megapolıstiń avtobýs parkine janarmaı quıý úshin bergen. Osylaısha, jaýapty laýazymdy tulǵalar tehnogendik sıpattaǵy tótenshe jaǵdaılardyń týyndaý qaýpine jol bergen» - delingen habarlamada.

Kólik prokýratýrasy aralasqannan keıin kináli laýazymdy adamdar ákimshilik jaýapkershilikke tartylyp, jer ýchaskesin Almaty qalasy ákimdiginiń balansyna qaıtarý sharalary qolǵa alyndy.