Almatyda tekserilgen ár tórtinshi kólik ekologııalyq normaǵa sáıkes kelmeıdi
ALMATY. KAZINFORM — Almatyda avtokólikterden shyǵatyn zııandy qaldyqtardy baqylaý jumys júrip jatyr.
Eco Almaty kompanııasynyń málimetinshe, 2026 jyldyń basynan beri júrgizilgen monıtorıng barysynda 5 496 avtokólik tekserilgen.
Onyń 1 301-i, ıaǵnı tekserilgen ár tórtinshi kólikten paıdalanylǵan gazdar quramyndaǵy zııandy zattardyń belgilengen normatıvterden asyp ketkeni anyqtalǵan.
— Anyqtalǵan zań buzýshylyqtar boıynsha ákimshilik hattamalar toltyryldy. Almatyda avtokólik shyǵaryndylaryn baqylaýdyń negizgi maqsaty — belgilengen ekologııalyq talaptarǵa sáıkes kelmeıtin kólikterdi anyqtaý, — dep habarlady Eco Almaty ókilderi.
Eske salaıyq, buǵan deıin Almatyda JEO-2 qashan gazǵa kóshetinin jazǵanbyz.
