Almatyda Tájikstan aýylsharýashylyq ónimderiniń jármeńkesi ótedi

ASTANA. KAZINFORM — Qyrkúıektiń úshinshi onkúndiginde Qazaqstan Respýblıkasynyń ótinishine sáıkes jáne Tájikstan Respýblıkasy Madjlısı Olı Madjlısı mıllı  tóraǵasy, Dýshanbe qalasynyń basshysy Rýstamı Emomalıdiń tapsyrmasyna sáıkes Almaty qalasynda Hatlon oblysy aýyl sharýashylyǵy ónimderiniń jármeńkesi ótedi, dep habarlaıdy «Hovar» agenttigi Hatlon oblysy tóraǵasynyń baspasóz qyzmetine silteme jasap. 

Jármeńkede Hatlon oblysynan jańa pisken jemister, keptirilgen jemister, kókónister, qarbyz, qaýyn jáne basqa da ónimder qoıylady. Konservi zaýyttary men ulttyq táttilerdi (qant, naýat, halva, kúlshe) óndirýshiler de qatysyp, óz ónimderin usynady.

Eske sala keteıik, 2025 jylǵy 16-17 tamyzda Astana qalasynda Tájikstan Respýblıkasynyń prezıdenti Emomalı Rahmonnyń tapsyrmasy boıynsha Tájikstan Respýblıkasynyń aýyl sharýashylyǵy, ónerkásip ónimderi, halyq qolóneri jáne ulttyq taǵamdarynyń kórmesi ótken bolatyn. Jármeńkege Soǵdy oblysynyń qalalary men aýdandarynyń sharýa qojalyqtary, qolónershiler men ónerkásip kásiporyndary óndirgen 1000 tonnadan astam ónim shyǵaryldy.