00:56, 24 Naýryz 2024 | GMT +6
Almatyda «Tazarý» jalpyulttyq aktsııasy ótti
ALMATY. KAZINFORM – «Tazarý» jalpyulttyq ekologııalyq aktsııasyna 1500 astam adam qatysty. Onyń barysynda 427 tekshe metr qoqys shyǵaryldy.
Eko-naýqan barysynda Kishi Almaty, Esentaı, Úlken Almaty, Qarǵaly jáne Tastybulaq ózenderiniń jaǵalaýy men arnalarynyń aýmaǵynda sý aıdyndaryn tazartý jáne irgeles ýchaskelerdi qoqystardan tazartý jumystary júrgizildi.
Sonymen qatar, almatylyqtar qoqysqa arnalǵan jáshikter men oryndyqtar syrlap, shaǵyn sáýlet nysandaryn jýdy.
Almaty qalasynyń Ekologııa jáne qorshaǵan orta basqarmasy Túrksib aýdanynyń ákimdigimen birlesip Áýejaı kóliniń jaǵasynda qalanyń jasyl qoryn saqtaý jáne kógaldandyrý maqsatynda 100-den astam aǵash otyrǵyzdy.
