Almatyda taýyqtyń san etine bekitilgen baǵa qoıyldy

ASTANA. KAZINFORM — ÁKK «Almaty» men «Alataý-qus» kompanııasy 358,8 tonna san etin 30 fırmalyq dúkenge 1650 tg/kg baǵamen jetkizedi. Turaqtandyrý merzimi — 24 aı. Buǵan deıingi kelisim negizinde taýyqtyń san eti men jambasy 1100 teńgeden satylyp keledi. Bul týraly Almaty qalasy ákimdiginiń baspasóz qyzmeti habarlady. 

— Sondaı-aq, «Almaty» ÁKK» 4 500 tonna qant satyp aldy. Ónim iri saýda jelilerinde óndirýshi bekitken kelisine 405 teńgeden, 10%-dan aspaıtyn ústemaqymen satylady. Turaqtandyrý kelesi jyldyń qarashasyna deıin jalǵasady: Sonymen qatar, Magnum-men 11 áleýmettik taýar baǵasyn turaqtandyrý týraly kelisim bar. Merzimi — 2026 jyldyń naýryzy, — delingen habarlamada.

Jumyrtqa boıynsha «Sary-Bulaq» kompanııasymen birinshi sanattaǵy 86,4 mln dana jumyrtqa óndirý jáne ótkizý jónindegi shart iske asyrylyp otyr. Óndirýshi belgilegen baǵasy — 51 tg/dana, al ústemaqy 15%-dan aspaýǵa tıis. Ónim iri jelilerge, «Alataý-qus» jáne shaǵyn dúkenderge jetkiziledi.
Demalys kúnderi qalada aýyl sharýashylyǵy jármeńkeleri ótip, ónimder naryqtan 15–20% arzan satylady.

Aıta ketelik Pavlodarda birneshe dúken kúrish baǵasyn ósirip satqan.