18:32, 05 Qarasha 2024 | GMT +6
Almatyda taýyq etiniń baǵasyn qymbattatýǵa tyıym salyndy
ALMATY. KAZINFORM – Almaty qalasynda áleýmettik mańyzy bar azyq-túlik taýarlarynyń baǵasyn turaqtandyrý úshin «Almaty» ÁKK» AQ «Alataý-qus» AQ qus fabrıkasymen qaryz shartyn jasady.
Kelisim aıasynda qalada óndirýshiniń taýyq etiniń baǵasy bekitiletin boldy. «Alataý-qus» AQ fırmalyq dúkenderiniń sórelerindegi jáne Almatydaǵy úıdiń janyndaǵy dúkenderdegi ónimniń bir kelisi 1 100 teńgeden aspaıdy. Kelisilgen shart boıynsha jalpy kólemi 1818 tonna. Turaqtandyrý kezeńi 24 aı.
Ónimderdi satý núkteleriniń mekenjaılaryn almatyazyk.kz saıtynan bilýge bolady.
Osyǵan deıin jyl basynan beri et jáne et ónimderiniń baǵasy 3,6% kóterilgeni týraly jazǵan edik.
Eske salaıyq, Almatyda jumyrtqanyń shekti baǵasy bekitilgen bolatyn.
