Almatyda «Táýelsizdik urpaqtary» grantynyń konkýrsy bastaldy

ALMATY. KAZINFORM - Almaty qalasynyń Óńirlik kommýnıkatsııalar qyzmetiniń alańynda «Táýelsizdik urpaqtary» grantyn taǵaıyndaý boıynsha konkýrstyń bastalǵany týraly habarlandy.

Baǵdarlama jastar bastamalaryn qoldaýǵa baǵyttalǵan jáne 14 pen 35 jas aralyǵyndaǵy Almaty turǵyndaryna óz jobalaryn iske asyrýǵa 1 000 000 teńge alýǵa múmkindik beredi.

Granttar alty baǵyt boıynsha bólinedi:

1. Ǵylym: jas ǵalymdar men olardyń zertteýlerin qoldaý.

2. Mádenıet: mádenı murany saqtaýǵa jáne nasıhattaýǵa baǵyttalǵan jobalar.

3. Aqparattyq tehnologııalar: tsıfrlyq transformatsııa úshin jańa IT sheshimderin ázirleý.

4. Bıznes: startaptar men bıznes-bastamalardy qoldaý.

5. Medıa: jas urpaq úshin sapaly kontent jasaý.

6. Volonterlik: áleýmettik máselelerdi sheshýge baǵyttalǵan bastamalar.

Uıymdastyrýshylar bul grant jastarǵa óz ıdeıalaryn júzege asyrýǵa múmkindik beretinin atap ótti.

«Biz jastarymyzdan shyǵarmashylyq ıdeıalar kútemiz. Bárińizdi granttyq konkýrsqa qatysýǵa shaqyramyz. Qatysýshylardyń bárine shabyt, tabys jáne óz jobalaryn tabysty iske asyrýdy tileımiz», - dedi Jastar saıasaty basqarmasynyń Jastardy áleýmettendirý jáne jastar bastamalaryn qoldaý bóliminiń basshysy Nursultan Bekkaıyrov.

Ótinimderdi qabyldaý 16 qyrkúıekte bastalyp, 2024 jyldyń 16 qazanyna deıin jalǵasady. Jeńimpazdar barlyq ótinimderdi teksergennen keıin 15 jumys kúni ishinde anyqtalady.

Ótinimder generationala.kz saıty arqyly qabyldanady, suraqtar týyndaǵan kezde [phone], [phone] telefon nómirlerine habarlasýǵa bolady.

Eske salaıyq, Almatyda Erte aralasý ortalyǵy quryldy.