Almatyda Táýelsizdik kúni qalaı toılanady

Táýelsizdik kúni qarsańynda Almatyda túrli merekelik jáne resmı is-sharalar, sonyń ishinde fotokórmeler, dóńgelek ústelder jáne basqa da kóptegen jıyndar uıymdastyrylady, dep habarlaıdy Kazinform.

13 jeltoqsan kúni saǵat 11:00-de Bastau oıyn-saýyq kesheninde Almaty ardagerler keńesi arasynda «Bostandyq aýdany ákiminiń kýbogy» úshin bılıardtan týrnır uıymdastyrylady.

Osy kúni saǵat 15:00-de Innovatsııalyq shyǵarmashylyq ortalyǵynda (Shuǵyla sh. a 347/4) zııaly qaýym ókilderi men jeltoqsanshylardyń qatysýymen «Elimniń baqytyn terbegen — Táýelsizdik» atty dóńgelek ústel ótedi.

15 jeltoqsan kúni saǵat 11:00-de Dástúrli mýzyka mýltımedıa ortalyǵynda Jeltoqsan oqıǵasyna qatysýshylarmen «Táńir syıy — Táýelsizdik» atty kezdesý uıymdastyrylady, dál osy ýaqytta Yqylas atyndaǵy halyq mýzykalyq aspaptar murajaıynda «Táýelsizdik — el mereıi» taqyrybynda dóńgelek ústel ótedi.

Saǵat 15:00-de Qonaev murajaıynda «Táýelsizdik — máńgilik eldiń tiregi» atty fotokórme ótedi. Kórmege murajaı muraǵatynan Almaty qalasynyń ǵımarattary men mádenı oshaqtarynyń fotosýretteri qoıylady.

Saǵat 15:00-de Almaty qalasynyń Ortalyq memlekettik muraǵatynda «Táýelsizdik — appaq tanym araıly» atty taqyrypta dóńgelek ústel ótedi.

Saǵat 19:00-de Jambyl atyndaǵy Qazaq memlekettik fılarmonııasynda T. Ábdirashev atyndaǵy QR Memlekettik akademııalyq sımfonııalyq orkestriniń kontserti ótedi.

16-18 jeltoqsan aralyǵynda saǵat 09:00-den 18:00-ge deıin K.Ázirbaev atyndaǵy № 15 orta mektebinde barlyq sanattar arasynda klassıkalyq paýerlıftıng jáne klassıkalyq stendtik press boıynsha Almaty qalasynyń ashyq chempıonaty ótedi.

18 jeltoqsan kúni saǵat 12:00-de Alatau Creative Hub-ta «Táýelsiz eldiń urpaǵy» zııatkerlik oıyny ótedi.