Almatyda taýdan qulaǵan týrıst basynan jaraqat aldy
ASTANA. KAZINFORM — Búgin Almaty qalasynyń Bostandyq aýdanynda, Kókjaılaý aýmaǵynda Tótenshe jaǵdaılar mınıstrliginiń Respýblıkalyq jedel-qutqarý jasaǵy taýda qalyp qoıǵan bes týrıstke kómek kórsetti.
Vedomstvo málimetinshe, tańerteń taýǵa kóterilgen týrıster ózdiginen túse almaı qalǵan.
Qutqarý jumystary barysynda týrısterdiń bireýi qulap, basynan jaraqat alǵany anyqtaldy.
— Qutqarýshylar týrıster tobyn qaýipsiz túrde taýdan túsirip, zardap shekkenderdi Apattar medıtsınasy ortalyǵynyń avtokóligine jetkizdi. Oqıǵa ornynda AMO dárigerleri jaraqat alǵan azamatqa alǵashqy medıtsınalyq kómek kórsetip, ony ári qaraı tekserý jáne emdeý úshin medıtsınalyq mekemege jóneltti, — delingen habarlamada.
Buǵan deıin Shyǵys Qazaqstan oblysyna keletin týrısterge jol boıyndaǵy qarapaıym jaǵdaılardyń jasalmaýy salanyń damýyna qolbaılaý bolyp turǵanyn jazǵan edik.