Almatyda taý týrızmin damytý máseleleri boıynsha qoǵamdyq talqylaýlar ótip jatyr

Jıyn barysynda Almaty taý klasterin damytý, týrıstik ınfraqurylymdy jetildirý, ekologııalyq talaptar men tabıǵı aýmaqtardy saqtaý máseleleri talqylanady.

Sonymen qatar, qoǵamdyq tyńdaýǵa memlekettik organdar ókilderi, ekologtar, sarapshylar, qoǵam belsendileri jáne qala turǵyndary qatysyp jatyr.

Tyńdaý barysynda jobaǵa qatysty usynystar men pikirler qaralyp, ınfraqurylymdyq bastamalardyń Іle Alataýy tabıǵatyna áseri talqylanady.

Almaty Superski jobasy – Almaty qalasynyń mańynda halyqaralyq deńgeıdegi zamanaýı taý kýrortyn qurýǵa baǵyttalǵan keshendi bastama. Joba qysqy týrızmdi (shańǵy, snoýbord) damytýmen qatar, jaıaý serýen baǵyttaryn, ekotýrızmdi jáne sporttyq belsendilikterdi qamtıtyn jyl boıǵy demalys ınfraqurylymyn damytýdy kózdeıdi.

Aıta keteıik, osyǵan deıin Premer-mınıstrdiń orynbasary – mádenıet jáne aqparat mınıstri Aıda Balaeva qaýipsizdik, ekologııa jáne ınfraqurylym sapasyna qoıylatyn zamanaýı talaptardy eskere otyryp, Almaty Superski jobasynyń Qazaqstannyń týrızm salasyn damytýdaǵy mańyzyn atap ótti.