Almatyda taý shyńyna shyǵýshylardy sanaıtyn alǵashqy qurylǵy ornatyldy
ALMATY. KAZINFORM — Almatynyń Úlken Almaty shyńynda elimizdegi taýǵa shyǵýshylar sanyn esepke alatyn alǵashqy avtomatty qurylǵy ornatyldy.
Joba qalalyq týrızm basqarmasy tarapynan týrıstik ınfraqurylymdy damytý jáne belsendi ári ekologııalyq demalys salasyna tsıfrlyq tehnologııa engizý aıasynda júzege asyrylyp otyr.
Almaty ákimdiginiń málimetinshe, maqsat — taýǵa shyǵýshylardyń belsendiligin dál esepteý. Mundaı júıeler taý týrızmi damyǵan Shveıtsarııa, Aýstrııa, Jańa Zelandııa men Norvegııa syndy elderde keńinen qoldanylady.
— Qurylǵy aýa raıynyń kez kelgen jaǵdaıynda jumys isteıdi jáne órleýdi adamsyz ózi-aq avtomatty túrde esepteıdi. Jınalǵan málimetter týrıster sanyn taldaý, navıgatsııa júıesin jetildirý jáne taýdaǵy qaýipsizdik deńgeıin arttyrý maqsatynda paıdalanylady. Saıahatshylardan ornatylǵan jabdyqqa uqypty qaraýdy jáne qurylǵyny qolmen baspaýyn suraımyz. Bul naqty statıstıkalyq derekterdi anyqtaý úshin qajet, — dep habarlady ákimdikten.
Qazan aıynyń sońyna deıin osyndaı qurylǵylar Qanysh Sátbaev jáne Jastar shyńyna ornatylady.
Eske salaıyq, buǵan deıin Almaty taý klasteri qalaı damıtynyn jazǵanbyz.