Almatyda taý bókterine qar tústi

ALMATY. KAZINFORM – Almatyda jaýǵan jaýynnyń arty qarǵa ulasty. 

Qalanyń joǵarǵy bóligi men Almaty oblysy Talǵar aýdanynyń taýly aımaqtaryna qar tústi. Áleýmettik jelide jaýǵan qardyń sýreti tarap jatyr. 

Sonymen qatar redaktsııamyzǵa saıajaı turǵyndarynyń biri jaýǵan qardyń sýretterin joldady. 

Buǵan deıin «Qazgıdromet» RMK-sy qyrkúıektiń 27-si kúngi aýa raıy boljamyn jarııalaǵan edi. 

Sınoptıkterdiń boljaýynsha, Qazaqstan aýmaǵy arqyly ótetin soltústik-batys antıtsıklon negizinen jaýyn-shashynsyz kún raıyn saqtap qalady. Soltústik oblystar sýyq aýa raıyna daıyn bolsa, ońtústik turǵyndaryn aýa temperatýrasynyń aıtarlyqtaı tómendeýin ǵana kútedi. 

Eske salaıyq, Almaty taýlaryna alǵashqy qar 2-qyrkúıekte jaýǵan bolatyn.