Almatyda taý bókterinde zańsyz salynǵan úsh qabatty nysan buzylyp jatyr
ALMATY. KAZINFORM — Ermensaı shaǵynaýdanyndaǵy Taýjıegi kóshesi, 35-ýchaskede ornalasqan úı buzylyp jatyr.
Qala qurylysyn baqylaý basqarmasynyń habarlaýynsha, jospardan tys tekserý barysynda nysannyń jobalyq qujattama men sáýlet-josparlaý tapsyrmasyna sáıkes kelmeıtini anyqtaldy.
Menshik ıesine qatysty ákimshilik sharalar qabyldanyp, anyqtalǵan buzýshylyqtardy joıý jóninde nusqama berildi.
— Basqarma nysandy paıdalanýǵa berý týraly aktiniń kúshin joıý jáne qurylysty buzý jóninde talap aryzben Almatynyń Bostandyq aýdandyq sotyna júgindi. 2025 jyly 20 tamyzda sot talap aryzdy qanaǵattandyrdy, — delingen habarlamada.
2025 jyly 28 qazanda Almaty soty birinshi satyly sottyń sheshimin ózgerissiz qaldyrdy.
Qazir qalalyq ádilet departamenti sot oryndaýshylarynyń qatysýymen nysan buzyla bastaldy.
Eske salaıyq, buǵan deıin Almatyda nelikten № 1 qalalyq perzenthana ǵımaraty buzylǵanyn jazǵanbyz.