Almatyda taý betkeıleri nyǵaıtylady
ALMATY. KAZINFORM - Almatyda tamyz aıyna deıin «Mohnatka» jáne «Gorelnık» taýlarynyń betkeıleri nyǵaıtylady.
Erbolat Dosaev «Medeý – Shymbulaq» jolyndaǵy tastardyń qulaýy saldarynan bolǵan zalaldardy joıý jumystarymen tanysty. Tastardyń qulaýy múmkin. Sondyqtan betkeılerdi nyǵaıtý, nóser júıesin salý jáne joldy jóndeý jumystary josparlanǵan.
Aýdan ákimi Erkebulan Orazalın qala basshysyna taý bókterindegi nyǵaıtý jumystary boıynsha másele josparly túrde sheshilip jatqanyn jetkizdi.2023 jyldyń qazan aıynda «Medeý – Shymbulaq» jolyndaǵy qulaǵan tastardyń saldaryn joıý jumystary bastaldy. Jartastyń qulaýynan jartylaı zaqymdalǵan qorǵanys qabyrǵasy bólshekteldi.
«Mohnatka» jáne «Gorelnık» taýlarynyń baýraıynan shamamen 80 myń tekshe metr tas shyǵaryldy jáne 21 myń tekshe metr jer úıindilerden tazartyldy.
Erbolat Dosaev jumystardy belgilengen merzimde - osy jyldyń tamyz aıyna deıin aıaqtaýǵa tapsyrma berip, bul másele qala turǵyndarynyń qaýipsizdigi maqsatynda qatań baqylaýda ekenin atap ótti.
Byltyr sáýir aıynda Medeýden Shymbulaqqa baratyn jolda 20 tekshe metr tas qulaǵan bolatyn.
Medeýde alyp tastardyń tómen qaraı qulaǵyn vıdeosy áleýmettik jelide tarady.
Sondaı-aq Aıýsaı shatqalynda sarqyramalarǵa aparatyn joldy tastar basyp qalǵan edi. Jolǵa qaraı qulaǵan tastar tosqaýyl tory men eskertý taqtalaryn buzdy.
Medeýde alyp tastardyń tómen qaraı qulaǵyn vıdeosy áleýmettik jelide tarady.
