Almatyda tanymal blogerdiń kóligimen qaýipti trıýk jasaǵan 22 jastaǵy jigit mert boldy

ALMATY. KAZINFORM - Almaty mańynda tanymal bloger ári kásipker Beıbit Álibekovtiń Lamborghini kóligin alyp, odan sekirip ótpek bolǵan jas jigit mert boldy.

Almaty oblysy Polıtsııa departamentiniń málimetine sáıkes, 29 qazan kúni Aqsaı aýylyndaǵy «Sokol» avtodromynyń aýmaǵynda beınerolık úshin trıýk oryndaý kezinde 22 jastaǵy jas jigit 45 jastaǵy júrgizýshi basqarǵan kóliktiń astyna túsken.

- Nátıjesinde jábirlenýshi aýdandyq aýrýhanaǵa jatqyzyldy, onda 30 qazan kúni esin jımastan jan tapsyrdy. Osy fakti boıynsha polıtsııa qylmystyq is qozǵady. Tergeý júrgizilip jatyr, - dep habarlady oblystyq Polıtsııa departamentiniń baspasóz qyzmeti.

Eske salaıyq, buǵan deıin Aqtóbe oblysy Hromtaý aýdanynda ornalasqan Dóń ken-baıytý kombınatynda júk kóligi aýdarylyp, eki jumysshy kóz jumǵanyn jazǵan edik.