Almatyda tanymal bloger óz-ózine qol jumsady

ALMATY. KAZINFORM — Almatyda Aılýna Rahym atty jas qyz óz-ózine qol jumsap, kóz jumdy. 27 jastaǵy qyz óz ólimine jigitti aıyptap hat qaldyrǵan.

Qaıǵyly jaǵdaı týraly habardy NeMolchı.kz qoryna 27 jastaǵy Aılýna Rahymnyń qurbylary jetkizgen.  

«Aılýnanyń ata-anasy joq. Ol SMM mamany bolyp jumys istegen jáne qamqorshy apaıynan bólek turǵan. 11 maýsym keshki saǵat 7-de onyń denesi tabyldy. Sýıtsıd jasaǵan qyz hat jazyp qaldyrǵan. Onda óz ólimine bir jigitti kinálaıdy. Muqııat tergeý júrgizý mańyzdy. Bizde kóp skrın jáne habarlama bar, úmitsizdik, qarym-qatynasta problemalar bolǵany anyq. Almaty polıtsııa departamentinen qaı bap boıynsha is ashylǵanyn habarlaýdy suraımyz» delingen jazbada.

Almaty polıtsııa departamenti aqparatty rastady.

«Atalǵan fakti boıynsha qylmystyq is qozǵaldy. Saraptama taǵaıyndaldy. Іstiń ózge de mán-jaıy anyqtalyp jatyr», — dep habarlady Almaty qalalyq polıtsııa departamentiniń baspasóz qyzmeti.