Almatyda tań ata kún erekshe qatty kúrkiredi

ALMATY.KAZINFORM - Almatylyqtar kúnniń qatty kúrkiregeninen shoshyp oıandy. Tań erekshe qatty kúnniń kúrkirimen bastaldy.

Áleýmettik jelide túnerip turǵan aspan men oınaǵan naızaǵaıdyń vıdeosy tarady.

Sınoptıkterdiń boljaýynsha, 13 maýsymda Almatyda kún ala bultty bolyp, ótkinshi jańbyr jaýyp, naızaǵaı oınaıdy. Soltústik-batystan soǵatyn jeldiń kúshi sekýndyna 13 metrge jetedi.

Aýa temperatýrasy túnde 15-17, kúndiz 25-27 gradýs jyly bolady.

Osyǵan deıin «Qazgıdromet» RMK atmosferalyq fronttardyń ótýine baılanysty 13 maýsymda elimizdiń basym bóliginde aýa raıy qubylmaly bolady. Jańbyr jaýyp, kún kúrkireıtini týraly ekerteken bolatyn.