Almatyda taksı júrgizýshisin urǵan er adam ustaldy

ALMATY. KAZINFORM – Uryp-soǵý faktisi boıynsha Almaty qalasynyń polıtsııasy prokýratýramen birlesip, jedel-izdestirý is-sharasyn júrgizdi. 

Polisia.kz-tiń málimetinshe, kóp uzamaı qalanyń 19 jastaǵy turǵynyna qatysty zańsyz áreketter jasady degen kúdikpen 32 jastaǵy er adam qolǵa túsken. Kúdikti polıtsııaǵa jetkizildi. 

– Er adam óz kinásin tolyq moıyndady. Atalǵan fakti boıynsha qylmystyq is qozǵaldy. Qazirgi ýaqytta tergeý amaldary jalǵasýda, - delingen habarlamada. 

Almaty polıtsııasy zań buzýshylyqtyń árbir faktisine qatań quqyqtyq baǵa beriletinin atap ótti. «Zań jáne Tártip» qaǵıdaty sheńberinde ishki ister organdary quqyqtyq tártipti qamtamasyz etý jáne azamattardyń quqyqtaryn qorǵaý jónindegi júıeli jumysty jalǵastyryp jatyr. 

Eske sala keteıik, buǵan deıin Almatyda mopedterdiń qatysýymen 233 jol apaty bolǵanyn jazǵan edik.