Almatyda taǵy jer silkindi: Qýaty — 2 ball

ALMATY. KAZINFORM — Almatyda taǵy jer silkindi. 

Seısmologııalyk zertteý ınstıtýtyna qarasty seısmıkalyq stansalar jelisi 6 naýryz Almaty ýaqytymen 05:09 kezinde jer silkinisin tirkedi.

Zilzala oshaǵy Almaty qalasynan ońtústik-shyǵysqa qaraı 266 shaqyrym jerde Qytaı aýmaǵynda ornalasqan.

Energetıkalyq klasy — 12.6.

Magnıtýdasy — 5.4.

Tereńdigi — 10 shaqyrym. 

Almatyda 2 ball kóleminde sezildi.  

Eske sala keteıik, 4 naýryz Almatyda 5 baldyq zilzala bolǵan edi. 

Jer silkinisi kezindegi 10 qadam

1. Jer dúmpýi kezinde úreılenbeńiz;
2. Lıft jáne baspaldaq qoldanbańyz;
3. Jıhazdan, terezeden ary turyńyz;
4. Jasyrynatyn jerdi tabyńyz — joǵarǵy qabatta negizgi irgeli qabyrǵalardyń buryshynan oryn taýyp jasyrynyńyz;
5. Ǵımarattan shyǵyńyz (tómengi qabatta);
6. Kópqabatty úıde jer silkinip bolǵan soń ǵana ǵımarattan shyǵyńyz;
7. Keter aldynda sý, gaz, elektr qýatyn múmkindigińizshe óshirińiz;
8. Dabyl shabadanyn alyńyz (aldyn ala daıyndaý qajet);
9. Elektr jelilerinen, ǵımarat, aǵashtardan aýlaq bolyńyz;
10.  Jer silkinisine daıyn bolyńyz;
11.  Qarttarǵa, balalarǵa, múmkindigi shekteýli jandarǵa kómektesińiz.