Almatyda taǵy úsh oqýshy ýlanyp, aýrýhanaǵa tústi
ALMATY. KAZINFORM — Respýblıkalyq fızıka-matematıka mektebiniń taǵy úsh oqýshysy Almatydaǵy ınfektsııalyq aýrýhanaǵa jatqyzyldy.
Quryltaı tóraǵasynyń orynbasary Dınara Zákıeva Almatyda jappaı aýyrǵan balalarǵa qatysty málimdeme jasady.
— Almatyda ýlaný belgilerimen aýrýhanaǵa túsken balalardyń jaǵdaıyn bilýge bardym. 43 ul jáne 5 qyz bar. Jańa ǵana taǵy úsh balany alyp keldi. Olar RFMM ınternatynda turady, ártúrli oblystan kelgen. Jaǵdaılary qalypty. Ýlaný deregi boıynsha tekserý júrgizilip jatyr, — dep jazdy Dınara Zákıeva Instagram paraqshasynda.
Demek emdeý mekemesine jetkizilgen balalardyń sany 51-ge jetti.
Eske salaıyq, 14 qazanda RFMM-niń 48 oqýshysy jiti ishek ınfektsııasynyń belgilerimen aýrýhanaǵa jatqyzylǵany habarlandy.
Keıin RFMM ákimshiligi oqýshylardyń aýrýhanaǵa túsýine baılanysty túsinik berdi. 14–16 qazan aralyǵynda mektep sabaqtary onlaın formatta ótedi.
Sondaı-aq atalǵan derek boıynsha Bostandyq aýdandyq polıtsııa basqarmasy janyndaǵy polıtsııa bóliminde qylmystyq is qozǵaldy.
Budan bólek Oqý-aǵartý mınıstrligi Almatyda oqýshylardyń jappaı ýlanýyna qatysty pikir bildirdi.
