Almatyda taǵy da jer silkindi

ALMATY. KAZINFORM – Almaty turǵyndary taǵy da jer silkingenin sezdi. Zilzalanyń oshaǵy qaladan ońtústik-shyǵysqa qaraı 269 shaqyrym qashyqtyqta Qytaı aýmaǵyna boldy.

QR Tótenshe jaǵdaılar mınıstrliginiń «Seısmologııalyq baıqaý jáne zertteýler ulttyq ǵylymı ortalyǵy» JShS búgin (Grınvıch boıynsha 26 qańtar kúni Almaty ýaqyty boıynsha 14 saǵat 17 mınýt 56 sekýndta) jer silkinisin tirkedi.

Zilzalanyń energetıkalyq klasy 11.1. Magnıtýdasy 4.9 MPV. Baǵyty 41.09° s.e. 78.49° sh.b. jatyr. Tereńdigi 5 km.

Oshaǵy Almatydan ońtústik-shyǵysqa qaraı 269 km qashyqtyqta Qytaı aýmaǵyna jatyr.

«Almatyda jer dúmpýi 2 baldyq boldy. Qala turǵyndaryna sezildi» - delingen habarlamada.