Almatyda taǵy da nóser jańbyr jaýady

ALMATY. KAZINFORM – Qazgıdromettiń boljamyna sáıkes, Almatyda 16 mamyr keshke nóser jańbyr jaýady dep kútilýde. 

Almaty ákimdiginen atap ótkendeı, jaýyn-shashyn kezinde sý basýdyń aldyn alý úshin motopompalarmen jáne shants quraldarymen jabdyqtalǵan 52 jedel mobıldi brıgadanyń kezekshiligi uıymdastyrylady. 

2 300 qap qum daıyndaldy. Qajet bolǵan jaǵdaıda jumysshylar men arnaıy tehnıkanyń sany ulǵaıady. Aýdandyq ákimdikterde jumys óndirisin baqylaý boıynsha táýlik boıy kezekshilik qoıylady. 

Kommýnaldyq qyzmetterdiń kúshimen aryq jelilerin, aryq ótkelderin jáne qoqystar jınalǵan jerlerdi tazartý jumystary júrgizildi. 15 mamyrdaǵy jaǵdaı boıynsha shamamen 865 tonna qoqys, laı syrtqa shyǵaryldy. Barlyq aryq jelisi tazartyldy. 

«Sý basyp qalýdy boldyrmaý úshin qala turǵyndarynan aryqtarǵa, nóser aǵyndary men kanaldarǵa qoqys tastamaýdy suraımyz. Tártip buzýshylar QR ÁQBtK-niń 505-baby boıynsha ákimshilik jaýapkershilikke tartylatyn bolady», - dep habarlady ákimdikten. 

Eske salsaq, buǵan deıin Almatyda taý bókterinde zańsyz salynǵan nysan sot sheshimimen buzylǵanyn habarlaǵan edik.