Almatyda taǵy bir zańsyz salynǵan nysan buzylyp jatyr

Qala qurylysyn baqylaý basqarmasynyń málimetine sáıkes, qazir Tóle bı kóshesi, 182 mekenjaıynda ornalasqan «Asi» dámhanasyna zańsyz salynǵan qosalqy nysandy buzý jumystary júrgizilip jatyr.

Buǵan deıin nysan ıesine qatysty ákimshilik shara qoldanylyp, keıin zań buzýshylyq deregi boıynsha materıaldar sotqa joldanǵan. Ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen nysan ıesine ákimshilik aıyppul salynyp, zańsyz qosalqy nysandy májbúrli túrde buzý týraly sheshim shyǵaryldy.

— Dámhana ıesi bul sheshimge shaǵymdanǵanymen, qalalyq sottyń qaýlysymen alǵashqy úkim ózgerissiz qaldyryldy. Qazirgi ýaqytta Ádilet departamenti sot oryndaýshylarynyń qatysýymen nysandy buzý jumystaryn bastaldy, — dep habarlady ákimdikten.

Eske salaıyq, buǵan deıin Almatyda zań talaptaryn buza otyryp salynǵan 41 nysan tolyq nemese ishinara buzylatyny belgili boldy.