Almatyda taǵy bir zańsyz salynǵan nysan buzyldy
ALMATY. KAZINFORM — Bul joly Abylaı han dańǵyly, 64 mekenjaıynda ornalasqan turǵyn emes ǵımaratqa qosymsha salynǵan qurylys zań talaptaryna saı emes dep tanylǵan.
Qala qurylysyn baqylaý basqarmasynyń habarlaýynsha, jospardan tys tekseris barysynda nysannyń ruqsatsyz salynǵany anyqtalǵan.
— Nysan ıesine qatysty ákimshilik sharalar qoldanylyp, is materıaldary sotqa joldandy. 2025 jylǵy 3 maýsymdaǵy sot sheshimimen menshik ıesine aıyppul salynyp, zańsyz salynǵan qurylymdy májbúrli túrde buzý mindetteldi, - delingen basqarma habarlamasynda.
Sot sheshimin oryndaý maqsatynda nysandy menshik ıesiniń ózi buzǵan.
Eske salaıyq, Almatyda 2 qazanda Maqataev kóshesi, 4a mekenjaıynda ornalasqan Taiyaki coffee dámhanasy buzylǵan edi.
