Almatyda taǵy bir zańsyz salynǵan qosymsha qurylys buzylyp jatyr
ALMATY. KAZINFORM — Almatyda qala qurylysyn baqylaý basqarmasynyń ókilderi Rozybakıev kóshesi, 249/1 mekenjaıyndaǵy qosalqy salynǵan nysandy buzý jumystarynyń bastalǵanyn aıtty.
Vedomstvonyń málimetinshe, jospardan tys tekserý barysynda menshik ıesiniń nysandy ruqsatsyz salǵany anyqtaldy.
— Menshik ıesine qatysty ákimshilik sharalar qabyldanyp, anyqtalǵan zań buzýshylyqtardy joıý týraly nusqama berildi. Keıin materıaldar sotqa joldandy, — delingen habarlamada.
Mamandandyrylǵan aýdanaralyq ákimshilik quqyq buzýshylyqtar jónindegi sottyń qaýlysyna sáıkes, bul qosalqy qurylysty buzý kerek.
Búgin, 2026 jylǵy 17 shildede qalalyq ádilet departamenti sot oryndaýshylarynyń qatysýymen nysandy buzý jumystary bastaldy.
Eske salaıyq, buǵan deıin Almatyda zańsyz salynǵan «Bereke» bazary buzylǵanyn habarlaǵanbyz.
