15:08, 20 Aqpan 2026 | GMT +5
Almatyda taǵy bir zańsyz nysan buzyldy
ALMATY. KAZINFORM – Almatyda Seıfýllın dańǵyly, 553/1 mekenjaıynda ornalasqan ǵımarat buzyldy.
Qala qurylysyn baqylaý basqarmasy ókilderiniń aıtýynsha, bul nysan basqarma ınspektorlary tarapynan qala qurylysy zańnamasynyń saqtalýyna júrgizilgen baqylaý barysynda anyqtalǵan.
– Inspektorlar atqarǵan túsindirý jumysynyń nátıjesinde menshik ıesi nysandy óz erkimen buzý týraly sheshim qabyldady, - delingen habarlamada.
Aıta keteıik, ǵımaratty buzý jumystary menshik ıesiniń kúshimen, májbúrleý sharalaryn qoldanbaı júzege asyryldy.
Eske salsaq, buǵan deıin Almatyda sot sheshimimen turǵyn úıdiń bir qabaty buzylǵanyn habarlaǵan edik.